Gabrielle Chanel, máis coñecida como Coco Chanel, naceu o 19 de agosto de 1883 en Saumur, Francia, e morreu o 10 de xaneiro de 1971 na bonita cidade de París. De nacionalidade francesa, Coco Chanel foi unha grande e entusiasta deseñadora de alta costura, e autora da creación da súa marca, Chanel.
A infancia difícil de Coco non lle impediu converterse nun dos máis grandes iconos do “novo estilo” durante os anos 20. Toda unha rebelde que modificou por completo o que se supuña que debían vestir as mulleres para ser belas.
Coco dixo adeus ó corsé, que quedaba reducido á etapa da guerra e facía ver á muller case como un obxecto vestido de forma incómoda. Ademais, utilizou a cor negra como algo máis que un ton lúgubre: o principio da elegancia e a comodidade. Porén, non só impuxo un estilo de vestir, senón tamén unha forma de concibir a moda por parte das mulleres que viviron durante a súa época e os anos seguintes. Podedes coñecela máis se vedes este pequeno documental:
Audrey Tautou métese na súa pel para interpretala na película Coco Chanel. Aquí podes ver un tráiler da mesma:
A parisina que hoxe coñecemos polas súas grandes ideas, foi unha feminista que loitou sempre por conseguir todo o que se propoñía.
Por que Coco Chanel pasou a converterse nunha muller de historia?
Coco, como xa comentamos antes, engadiu ao noso armario a cor negra, mais non foi o único que fixo esta muller:
1.Foi a primeira muller empresaria da historia.
2.Demostrou que a elegancia e o estilo non son sinónimo de clase social.
3. Foi a responsable dos bolsos de ombreiro.
1.Tamén mezclou o armario masculino co feminino
4.Popularizou o corte de pelo masculino na muller.
5.Creou roupa para a muller traballadora.
6.Popularizou o uso da bixutería no ámbito social de clase media.
7. Puxo de moda a pel morena.
8. Foi unha revolucionaria sexual, porque apoiaba abertamente a comunidade LGTBI+.
“Se naciches sen ás,
no fagas nada para evitar que medren"
deixou dito Coco Chanel. Pois ben, voemos contigo, Coco Chanel!
Ningún comentario:
Publicar un comentario